sankara raman murder case

Sankara raman murder case,kancheepuram sankararaman murder case related persons all are released by puduchery special court ,case history breaking news,live news

புதுச்சேரி : சுமார் 9 ஆண்டுகளுக்கு மேல் நடைபெற்று வந்த காஞ்சிபுரம் சங்கரராமன் கொலை வழக்கில் குற்றம்சாட்டப்பட்ட காஞ்சி மடாதிபதி ஜெயேந்திரர், இளைய மடாதிபதி வியேந்திரர் உள்ளிட்ட அனைவரையும் விடுதலை செய்து புதுச்சேரி சிறப்பு நீதிமன்றம் இன்று பரபரப்பு தீர்ப்பு வழங்கி உள்ளது.

வழக்கு விபரம் : case history approver

தமிழகத்தை சேர்ந்த சின்ன காஞ்சிபுரத்தில் அமைந்துள்ள வரதராஜ பெருமாள் கோவில் மேலாளர் சங்கரராமன் கடந்த 2004ம் ஆண்டு செப்டம்பர் மாதம் 3ம் தேதி மாலை, 5.30 மணியளவில் கோவில் வளாகத்திலுள்ள வசந்த மண்டபத்தில் மர்ம நபர்களால் வெட்டிக்கொலை செய்யப்பட்டார். கொலைத்தொடர்பாக வரதராஜ பெருமாள் கோவிலில் பணியாற்றி வரும் கணக்காளர் கணேஷ், காஞ்சிபுரத்திலுள்ள விஷ்ணு காஞ்சிபுரம் போலீஸ் நிலையத்தில் புகார் கொடுத்தார். போலீசார் விசாரணை நடத்தியதின் பேரில், காஞ்சி மடாதிபதி ஜெயேந்திரர், காஞ்சி இளைய மடாதிபதி விஜயேந்திரர் உள்ளிட்ட 25 பேர் குற்றவாளியாக சேர்க்கப்பட்டனர். வழக்கு விசாரணையின் போது குற்றவாளியாக சேர்க்கப்பட்டிருந்த ரவி சுப்ரமணியன் அப்ரூவராக மாறி, செங்கல்பட்டு கோர்ட்டில் சாட்சியம் அளித்தார். தமிழகத்தில் இந்த வழக்கு நடைபெற்றால் முறையாக தீர்ப்பு கிடைக்காது என கருதப்பட்டதால் இவ்வழக்கு சுப்ரீம் கோர்ட் உத்தரவுப்படி கடந்த 2009ம் ஆண்டு முதல் புதுச்சேரி கோர்ட்டிற்கு மாற்றப்பட்டது.

புதுச்சேரி கோர்ட்டில் நடந்து வந்த வழக்கில், சங்கரராமன் மனைவி பத்மா, மகன் ஆனந்தசர்மா, மகள் உமா மைத்ரேயி உள்ளிட்ட 371 சாட்சிகள் போலீசாரால் சேர்க்கப்பட்டனர். இதில் வழக்கு சம்பந்தமாக சேர்க்கப்பட்ட 187 சாட்சிகளிடம் அரசு வழக்கறிஞர் தேவதாஸ் குறுக்கு விசாரணை நடத்தினர். விசாரணையின் போது, அப்ரூவர் ரவி சுப்ரமணியன் உள்ளிட்ட 83 பேர் "பல்டி' அடித்துவிட்டனர். இந்த வழக்கு விசாரணையின்போது, 6 வது எதிரியாக குற்றம் சாட்டப்பட்டிருந்த கதிரவன்(40) என்பவர் கடந்த மார்ச் மாதம் சென்னை கே.கே.நகரில் காரில் வரும் போது வன்முறைக்கும்பலால் வெட்டிக் கொலை செய்யப்பட்டார். இதை தொடர்ந்து மீதமுள்ள 23 பேர் மட்டும் வழக்கு விசாரணையின் போது ஆஜராகி வந்தனர். ஆரம்பத்தில் இந்த வழக்கை, நீதிபதி சின்னபாண்டியன் விசாரித்தார். தொடர்ந்து, கிருஷ்ணராஜா, ராமசாமி ஆகியோர் விசாரணை நடத்தினர். நான்காவதாக, நீதிபதி முருகன் விசாரணை நடத்தி வந்தார். கோர்ட் புறக்கணிப்பு, சாட்சிகள் ஆஜாராகாமல் இழுத்தடிப்பு உள்ளிட்ட காரணங்களால் தாமதமாகி வந்த இவ்வழக்கின் இறுதி தீர்ப்பு நவம்பர் 27ம் தேதி வழங்கப்படும் என நீதிபதி முருகன் தெரிவித்திருந்தார்.

கோர்ட் தீர்ப்பு : judgement                      evidence

வழக்கில் குற்றவாளிகளாக சேர்க்கப்பட்ட 23 பேரில் தில் பாண்டியன் மற்றும் சில்வர்ஸ்டர் ஸ்டாலன் ஆகிய இரண்டு பேர் தவிர மற்ற 21 பேரும் இன்று நேரில் ஆஜராகினர். அப்ரூவராக மாறிய ரவி சுப்ரமணியம் துப்பாக்கி ஏந்திய போலீஸ் காவலுடன் கோர்ட்டில் ஆஜரானார். வழக்கை விசாரித்த நீதிபதி முருகன், வழக்கில் போதிய ஆதாரங்களும், சாட்சிகளும் இல்லாததாலும், அரசு தரப்பில் போதிய ஆதாரங்கள் வழங்கப்படாததால் சந்தேகத்தை குற்றம்சாட்டப்பட்டவர்களுக்கு சாதகமாக அளித்து குற்றம்சாட்டப்பட்ட ஜெயேந்திரர், விஜயேந்திரர் உள்ளிட்ட அனைவரையும் வழக்கில் இருந்து விடுதலை செய்வதாக தீர்ப்பளித்தார்.

தீர்ப்பு திருப்திதரவில்லை : judgement

கொலையான சங்கரராமனின் மகன் ஆனந்த்சர்மா கூறுகையில், 'இந்த தீர்ப்பு திருப்திதரவில்லை. என் தந்தை தானாக கொலை செய்து கொள்ளவில்லை. சிலர் வந்து வெட்டி கொலை செய்துள்ளனர். இந்நிலையில், குற்றம் சாட்டப்பட்டவர்களில் ஒரு சிலருக்காவது தண்டனை கிடைத்திருந்தால் இந்த தீர்ப்பை நம்பலாம். ஆனால், யாருக்கும் தண்டனை வழங்கப்படவில்லை. எனவே, இந்த தீர்ப்பில் எனக்கு நம்பிக்கை இல்லை. அடுத்த கட்ட நடவடிக்கை குறித்து இதுவரை முடிவு செய்யவில்லை. குடும்பத்தினருடன் பேசி, அது குறித்து முடிவு எடுக்கப்படும்,' என்றார்.

மேல்முறையீடு : appeal

சங்கரராமன் கொலை வழக்கில் புதுச்சேரி கோர்ட்டின் தீர்ப்பை எதிர்த்து மேல்முறையீடு செய்ய முடிவு செய்திரப்பதாக அரசு தரப்பு வழக்கிறஞர் தேவதாஸ் தெரிவித்துள்ளார். தமிழக அரசுடன் ஆலோசனை செய்த பிறகு மேல்முறையீடு செய்யப்படும் எனவும், சங்கரராமன் குடும்பத்தாரின் பிறழ் சாட்சியமே குற்றவாளிகள் 23 பேரின் விடுதலைக்கு காரணம் எனவும் தேவதாஸ் கூறி உள்ளார்.

Aarushi-Hemraj murder: Talwars 'hurt, anguished' over their conviction

Aarushi-Hemraj murder: Talwars 'hurt, anguished' over their conviction

புதுடில்லி : நாட்டை உலுக்கிய 13 வயது சிறுமி ஆருஷி கொலை செய்யப்பட்ட வழக்கில் காசியாபாத் சி.பி.ஐ., சிறப்பு நீதிமன்றம் இன்று அதிரடி தீர்ப்பு வழங்கப்பட்டது. இதில், பெற்றோரே குற்றவாளிகள் என தீர்ப்பளித்த நீதிபதி, தண்டனை அறிவிப்பு நாளை வெளியிடப்படும் என கூறி உள்ளார். தீர்ப்பை அடுத்து இருவரும தஸ்னா சிறைக்கு கொண்டு செல்லப்பட்டனர். தீர்ப்பை கேட்டது்ம, தல்வார் கதறி அழுதார்.

டில்லியில் புறநகர் பகுதியான நொய்டாவில் உள்ள அடுக்குமாடி குடியிருப்பில் ராஜேஷ் தல்வார்-நுபுர் தல்வார் தம்பதி. பல் மருத்துவர்களான இவர்களின் ஒரே மகள் ஆருஷி. பள்ளி மாணவியான ஆருஷி 2008ம் ஆண்டு மே மாதம், தனது அறையில் மர்மமான முறையில் கொலை செய்யப்பட்டு இருந்தார்.

இந்த கொலைக்கு வீட்டின் வேலைக்காரர் ஹேம்ராஜே காரணம் என முதலில் சந்தேகிக்கப்பட்டது. ஆனால் தலைமறைவானதாக கூறப்பட்ட ஹேம்ராஜின் உடல் வீட்டில் மாடியில் கண்டுபிடிக்கப்பட்டது. இவ்வழக்கை சிபிஐ விசாரித்து வந்தது. சந்தேகத்தின் அடிப்படையில் ஆருஷியின் தந்தை ராஜேஷ் தல்வார் கைது செய்யப்பட்டார். சி.பி.ஐ. கோர்ட்டில் நடத்தப்பட்ட விசாரணையில் தல்வாருக்கு எதிரான நேரடி ஆதாரங்கள் ஏதும் சமர்பிக்கப்படவில்லை. இதனால் இவ்வழக்கை முடிக்கலாம் என, சி.பி.ஐ., கோர்ட்டில் கூறியது.

சி.பி.ஐ., கோர்ட் உத்தரவு: அதை ஏற்க மறுத்த சி.பி.ஐ., கோர்ட், இந்த வழக்கு குறித்து மீண்டும் விசாரிக்குமாறு உத்தரவிட்டது. இதன் அடிப்படையில் மீண்டும் வழக்கு விசாரணைக்கு எடுத்துக் கொள்ளப்பட்டது. நீண்ட விசாரணைக்கு பின், தல்வார் தம்பதியரை சி.பி.ஐ., அதிகாரிகள் கைது செய்தனர். இவர்கள் இருவரிடம் நடத்தப்பட்ட விசாரணையில் மகள் ஆருஷி மற்றும் ஹேம்ராஜ் ஆகியோரின் நடத்தையில் ஏற்பட்ட சந்தேகம் காரணமாக, இருவரும் சேர்ந்து, மருத்துவ சிகிச்சைக்கு பயன்படுத்தும் கத்தி மற்றும் கோல்ஃப் மட்டை ஆகியவற்றை பயன்படுத்தி ஆருஷியையும், ஹேம்ராஜையும் கொலை செய்தது தெரிய வந்தது.

ஐந்தரை ஆண்டுகள் விசாரணை: ராஜேஷ் தல்வார் 2008ம் ஆண்டு கைது செய்யப்பட்டு, 2 மாத விசாரணைக்கு பின், அவருக்கு எதிராக ஆதாரங்கள் ஏதும் இல்லாததால் விடுதலை செய்யப்பட்டார். கோர்ட்டில் ஆஜராவதை தொடர்ந்து தவிர்த்து வந்ததால் நுபுர் தல்வார் 2012ம் ஆண்டு கோர்ட் உத்தரவின் பேரில் கைது செய்யப்பட்டார். இந்த ஆண்டு செப்டம்பர் மாதம் இவருக்கு ஜாமின் வழங்கப்பட்டது என்பது குறிப்பிடத்தக்கது. சுமார் ஐந்தரை ஆண்டுகள் நடத்தப்பட்ட இவ்வழக்கில் இன்று தீர்ப்பு வழங்கப்பட்டது. இதில், பெற்றோரே குற்றவாளிகள்
என தீர்ப்பளித்த நீதிபதி சியாம்லால், தண்டனை குறித்த அறிவிப்பு நாளை அறிவிக்கப்படும் என்று கூறினார்.

The duo was convicted for the murders as well as for destruction of evidence among other offences. Both of them were taken into custody after the verdict and sent to Dasna jail.

Rajesh Talwar also convicted for filing a wrong FIR with Noida police. While he has been convicted under the Indian Penal Code Sections 201 (causing disappearance of evidence of offence, or giving false information to screen offender), 203 (giving false information in respect to an offence committed), 302 (murder) and 34 (acts done by several persons in furtherance of common intention) his wife Nupur has been found guilty under Sections 201, 302 and 34. Breaking news,live news,court news,judgement,crime,murder

gold rate today 20/11/2013

 

சென்னை : தங்கம் விலை இன்று(நவ., 20ம் தேதி) சவரனுக்கு ரூ.80 அதிகரித்துள்ளது. அதேப்போல் வெள்ளியின் விலையும் உயர்ந்துள்ளது. சென்னை, தங்கம்-வெள்ளி சந்தையில், காலைநேர நிலவரப்படி, 22காரட் ஒருகிராம் ஆபரணத்தங்கத்தின் விலை ரூ.2,899-க்கும், சவரனுக்கு ரூ.80 உயர்ந்து ரூ.23,192-க்கும், 24காரட் 10கிராம் தங்கத்தின் விலை ரூ.100 உயர்ந்து ரூ.30,690-க்கும் விற்பனையாகிறது.

வெள்ளியின் விலையும் உயர்ந்துள்ளது. ஒருகிராம் சில்லரை வெள்ளியின் விலை 60 காசுகள் உயர்ந்து ரூ.49.30-க்கும், பார்வெள்ளி கிலோவுக்கு ரூ.525 உயர்ந்து ரூ.46,085-க்கும் விற்பனையாகிறது.

Gold rate today ,today market,current news,20/11/2013

famous comedy actor city babu diedபிரபல காமெடி நடிகர் சிட்டிபாபு காலமானார்

பிரபல காமெடி நடிகர் சிட்டிபாபு காலமானார் famous comedy actor city babu died
பிரபல காமெடி நடிகர் சிட்டிபாபு. 'பைவ்ஸ்டார்', 'தூள்', 'சிவகாசி', 'திண்டுக்கல் சாரதி', 'மாப்பிள்ளை' உள்பட பல படங்களில் நடித்துள்ளார். சிட்டிபாபுவுக்கு ஏற்கனவே இருதய கோளாறு இருந்தது. இதற்காக அவர் பைபாஸ் அறுவை சிகிச்சை செய்து கொண்டார். அதன் பிறகு இரண்டு வருடங்கள் படங்களில் நடிக்காமல் வீட்டில் ஓய்வு எடுத்தார்.
தற்போது அவர் மீண்டும் சில படங்களில் நடிக்க தொடங்கினார். கடந்த சில தினங்களுக்கு முன்பு அவர் திடீரென மயங்கி விழுந்தார். உடனடியாக அவரை முகப்பேரில் உள்ள தனியார் ஆஸ்பத்திரியில் சேர்த்தனர். அங்கு டாக்டர்கள் தீவிர சிகிச்சை அளித்தனர். ஆனாலும் சிட்டிபாபு உடல்நிலை மோசமாகி கோமா நிலைக்கு சென்றார்.
இதை அடுத்து சென்னை ராயப்பேட்டையில் உள்ள அரசு மருத்துவமனையில் அனுமதிக்கப்பட்டார். அங்கு ஐ.சி.யூ., பிரிவில், டாக்டர்கள் தீவிர சிகிச்சை அளித்து வந்தனர். இருப்பினும் அவரது உடல் நிலையில், முன்னேற்றம் ஏற்படவில்லை. தொடர்ந்து ஆபத்தான நிலையில் உள்ளதாக கூறப்பட்டு வந்தது. இந்நிலையில் இன்று (8.11.2013) சிகிச்சை பலனின்றி அவர் காலமானார்.
நடிகர் சிட்டிபாபுவுக்கு 49 வயதாகிறது. ஜரினா என்ற மனைவியும், இரண்டு மகள்களும், ஒரு மகனும் உள்ளனர். இவரது மறைவுக்கு திரையுலகைச் சேர்ந்த பல்வேறு தரப்பினரும் இரங்கல் தெரிவித்து வருகின்றனர்.
...
shared via

100 years old train

senkottahi-punaloor Brod gauge work getting late

செங்கோட்டை - புனலுார் அகல ரயில்பாதை திட்டத்திற்கு, போதிய நிதி ஒதுக்கீடு இல்லாததால், பணிகளில் தொய்வு ஏற்பட்டுள்ளது.தமிழகத்தின் நெல்லை மாவட்டம், செங்கோட்டையில் இருந்து, கேரள மாநிலம், புனலுாருக்கு, 49 கி.மீ., தூர ரயில் பாதையை ஏற்படுத்த, 1873ல், அப்போதைய ஆங்கில அரசால் முடிவு எடுக்கப்பட்டது. அதற்கு, சென்னை மாகாண அரசு, 17 லட்சம் ரூபாய்; ரயில்வே துறை, 7 லட்சம் ரூபாய், திருவிதாங்கூர் அரசு, 6 லட்சம் ரூபாய் வழங்கின. இந்த ரயில் பாதையை ஏற்படுத்த, 21 ஆண்டுகள் ஆனது. 1902 ஆண்டு முதல் ரயில் பாதை, மக்கள் பயன்பாட்டுக்கு வந்தது.

இந்த ரயில் பாதை, தமிழக பகுதிக்குள், 13 கி.மீ., கேரள பகுதிக்குள், 36 கி.மீ., என, அமைந்துள்ளது. தமிழக எல்லை பகுதிக்குள் உள்ள பகவதிபுரம் அருகே, 1 கி.மீ., தூரத்திலான குகைப்பாதையும்; கேரள பகுதிக்குள் உள்ள, நான்கு குகைப்பாதைகளும் முக்கியமானவை. 'மீட்டர் கேஜ்' பாதையை, அகலப் பாதையாக்கும் பணிகள், 2010ல், துவக்கப்பட்டன.இதற்காக, 375 கோடி ரூபாயில், பணிகள் மேற்கொள்ள திட்டமிடப்பட்டது. 120 சிறிய பாலங்களும், ஐந்து பெரிய பாலங்களும் உள்ளன. அகல ரயில் பாதைக்காக, பாலங்களை தற்போது விரிவுபடுத்தி, பலப்படுத்தும் பணியும், குகைப் பாதையை விரிவுபடுத்தும் பணியும் நடக்கிறது.இவ்வழித்தடம், தொன்மையான தென் பாண்டி நாட்டையும், தொன்மையான தென் சேர நாட்டையும் இணைக்கும் பாதையாக இருந்தது. இவ்வழித்தடத்தை பொறுத்தவரை, தமிழக, கேரள மக்கள் மட்டுமின்றி, சபரிமலை செல்லும் பக்தர்கள், வியாபாரிகள் பயன்பெறுகின்றனர். தமிழக பகுதியில் உள்ள குகை, ஏற்கனவே இருந்த அளவை விட, உயரத்திலும், அகலத்தில் கூடுதலாக, 1 மீ., விரிவுபடுத்தும் பணி நடக்கிறது.கடந்த மாதம், நிலச்சரிவு போல, குகைப்பாதையில் மண் சரிந்தது. குகைக்கு மேலே இருந்த நிலப்பரப்பில், இலகுவான பாறைகள் சரிந்து, ரயில் பாதையை மண் மூடியது. இதில், பாக்கு மரங்கள் மூழ்கும் அளவில், 50 அடி ஆழத்திற்கு பள்ளம் ஏற்பட்டது. எனவே, அவற்றையும் சரிசெய்யும் பணி நடந்து வருகிறது. குகைப்பணிகள் முடிவதற்கே, எட்டு மாதங்கள் வரை ஆகலாம்.இப்பணிகள் முடிந்த பின் தான், 'லைனிங்' - தண்டவாளம் அமைத்தல் உள்ளிட்ட பணிகள் மேற்கொள்ளப்படும் என, தெரிகிறது. இதற்கிடையே, 'ஒப்பந்த நிதி போதாது' என, ஒப்பந்ததாரர்கள் விலகிச் செல்வதாலும், பணிகள் தாமதம் ஆகிறது.கேரளத்தில் குகைப்பணிகள் முடிந்துள்ள நிலையில், இங்கு பணிகள் முடிவடைய, இரண்டு ஆண்டுகள் வரை ஆகலாம் என, தெரிகிறது.

நிதி பற்றாக்குறை:

நாடு முழுவதும், ரயில்வேயில் நிறைவேற்றப்படும், 120 திட்டங்களில், செங்கோட்டை - புனலுார் திட்டமும் ஒன்று. ஆனால், நிதிப்பற்றாக்குறையால், இந்த திட்டத்திற்கு போதுமான நிதி ஒதுக்கீடு செய்யப்படவில்லை. திட்டத்தின் மொத்த மதிப்பு, 375 கோடி ரூபாய் என, தெரிவிக்கப்பட்டாலும், 250 கோடி ரூபாய் இருந்தால் போதும்; திட்டத்தை முடித்து விடலாம்.ஆனால், 2010 முதல், ஒவ்வொரு ஆண்டு ரயில்வே பட்ஜெட்டிலும், 30 லட்சம் ரூபாய் என்ற விகிதத்தில் ஒதுக்கப்படுவதால், அடுத்தடுத்து பணிகள் மேற்கொள்வதில் தாமதம் ஏற்படுகிறது.வரும், 2015க்குள், பணியை முடிக்க திட்டமிடப் பட்டிருந்தது. ஆனால், நிதிப்பற்றாக்குறையால், மேலும் ஓர் ஆண்டு தாமதம் ஆகும்.

இதுகுறித்து, ரயில்வே துணைத்தலைமை பொறியாளர் அனந்தராமன் கூறியதாவது: இத்திட்டம் மிகவும் பழமையானது. ஆங்கிலேயர்கள், முழுக்க கற்களால் கட்டிய பாலத்தின் அழகு மாறாமல், கூடுதல் இணபை்பு பாலம் கட்டி வருகிறோம். 375 கோடி ரூபாய் திட்டமாக அறிவிக்கப்பட்டது; மூன்று ஆண்டுகள் ஆகியும், இதுவரை, 100 கோடி ரூபாய் தான் ஒதுக்கப்பட்டு உள்ளது.45 சதவீத பணிகள் நிறைவடைந்துள்ளன. இன்னமும், 150 கோடி ரூபாய் தேவபை்படுகிறது. எனவே, கேரளாவை சேர்ந்த மத்திய அமைச்சர், கொடிக்குன்னில் சுரேஷ் போன்றவர்கள், பட்ஜெட்டில் கூடுதல் நிதி ஒதுக்க கோரிக்கை வைத்துள்ளனர்.தமிழகத்தின் சார்பிலும், மத்திய அரசை கேட்டுக் கொள்ளும் முயற்சிகள் இருந்தால், கூடுதல் நிதி ஒதுக்கப்படலாம்.'யானபை்பசிக்கு சோளப்பொரி' போல எம்.பி.,எம்.எல்.ஏ.,க்களிடம் தொகுதி நிதி பெற்று, இத்திட்டத்தை நிறைவேற்ற இயலாது.எனவே, ரயில்வே துறையே, கூடுதல் நிதி ஒதுக்க வேண்டும். ரயில்வே துறையை பொறுத்த வரை, இந்த திட்டம், 120 திட்டங்களில் ஒன்று. மாநில அரசுகள் முயற்சித்தால் மட்டுமே, இதே வேகத்தில் பணிகள் நடக்கும். வரும், 2015 இறுதிக்குள், பணி நிறைவடையும்.இவ்வாறு, அவர் கூறினார்.

ஆந்திரா, கர்நாடக அரசுகள், தங்கள் மாநிலத்தின் பிற்பட்ட பகுதிகளிலுள்ள முக்கிய புதிய ரயில் தடங்களுக்கு, ரயில்வே போர்டுக்கு கோடிக்கணக்கில் பணம் கொடுத்து, விரைவில் திட்டங்களை முடிக்கின்றன.டீசல் விலை நாளுக்கு நாள் கூடிக் கொண்டிருப்பதால், ஏழை, நடுத்தர மக்கள் நீண்ட தூரம் பஸ் பயணத்தைத் தவிர்க்கின்றனர். தமிழக அரசு இத்திட்டத்திற்கு, 150 கோடி ரூபாய் கொடுத்தால், தென் மாவட்ட மக்கள் பெரிதும் பயன் அடைவர்.நூறு ஆண்டுகளுக்கு மேலாக ஓடிக் கொண்டிருந்த ரயில் பாதையை, நீண்ட காலம் மூடியிருப்பது, அப்பகுதி மக்களுக்கு மிக்க வேதனையாக உள்ளது.

5 ஆண்டு தாமதமா?

தெற்கு ரயில்வே பொது மேலாளர் ராகேஷ் மிஸ்ரா, அக்., 29ம் தேதி, நெல்லை தென்காசி தடத்தில் உள்ள அம்பாசமுத்திரத்தில் ஆய்வு செய்தார். அப்போது அவர், 'செங்கோட்டை - புனலுார் அகல ரயில் பாதை திட்டத்திற்கு, மத்திய அரசு போதிய நிதி ஒதுக்கீடு செய்யாததால், பணிகள் நிறைவு பெற, இன்னும், ஐந்து ஆண்டுகள் தாமதமாகும்' என்று தெரிவித்து இருந்தார்.இது தென் மாவட்ட மக்களுக்கு கூடுதல் வேதனையை ஏற்படுத்தியுள்ளது. மதுரையில் கிரானைட் கற்கள்; தூத்துக்குடியில், தாது மணல்; நெல்லை தாமிரபரணி ஆற்றில் மணல் கொள்ளை என, தென் மாவட்ட பகுதிகளில் உள்ள இயற்கை வளங்கள், ஏராளமான அளவில் கொள்ளையடிக்கப்பட்டு, வெளிநாடுகளுக்கு ஏற்றுமதி செய்து, குறிப்பிட்ட சிலர் மட்டும் சட்ட விரோதமாக, பல ஆயிரம் கோடி ரூபாய் அளவுக்கு குவித்துள்ளனர்.இதை, மத்திய, மாநில அரசுகள் கண்டுகொள்ளாமல், மறைமுகமாக ஆதரவு தெரிவித்துள்ளன.

அதே நேரத்தில், தென் மாவட்ட மக்களின் முக்கிய வழித்தடமான, செங்கோட்டை - புனலுார் ரயில் பாதைக்கு, மிகவும் சொற்ப அளவில், பணம் ஒதுக்க, அரசுகளுக்கு மனம் இல்லாதது, பெரும் குறையாக மக்கள் கருதுகின்றனர்.தென்பாண்டி நாட்டின் மக்கள், அதிகம் கல்வி கற்றவர்களாக இருப்பினும், அவர்கள் பிழபை்புத் தேட, வேறு மாநிலங்களுக்குச் செல்லும் வாய்ப்பையும்,கடந்த, 10 ஆண்டுகளாக ஆட்சி செய்த திராவிடக் கட்சிகள் அளிக்கவில்லை. காமராஜர் ஆட்சி இருந்திருந்தால், இந்த அவல நிலை, தென் மாவட்ட மக்களுக்கு ஏற்பட்டிருக்காது என்ற கருத்து, பரவலாக மக்களிடையே இருக்கிறது.தி.மு.க., ஆட்சி, சென்னை நகரைத் தான், வளர வழி செய்தது; நாங்குநேரி தொழிற்பேட்டைக்குத் திட்டம் இட்டும், அதை செயல்படுத்த எந்த முயற்சியும், தி.மு.க., ஆட்சியில் செய்யவில்லை என்ற கருத்தும் நிலவுகிறது.

இத்திட்டம் மிகவும் பழமையானது. ஆங்கிலேயர்கள், முழுக்க கற்களால் கட்டிய பாலத்தின் அழகு மாறாமல், கூடுதல் இணபை்பு பாலம் கட்டி வருகிறோம். 375 கோடி ரூபாய் திட்டமாக அறிவிக்கப்பட்டது; மூன்று ஆண்டுகள் ஆகியும், இதுவரை, 100 கோடி ரூபாய் தான் ஒதுக்கப்பட்டு உள்ளது.இதுவரை, 45 சதவீத பணிகள் நிறைவடைந்துள்ளன. இன்னமும், 150 கோடி ரூபாய் தேவபை்படுகிறது. எனவே, கேரளாவை சேர்ந்த மத்திய அமைச்சர்,கொடிக்குன்னில் சுரேஷ் போன்றவர்கள், பட்ஜெட்டில் கூடுதல் நிதி ஒதுக்க கோரிக்கைவைத்துள்ளனர்
அனந்தராமன்ரயில்வே துணைத்தலைமை பொறியாளர்

- ந